© 2015 All Rights Reserved

  • w-facebook
  • YouTube Clean
  • LinkedIn Clean
  • Instagram Clean

خلي عندك رؤية وليس مجرد حلم

 

الرؤية
لازم يكون عندك رؤية..مش بس حلم
كلنا عندنا أحلام .. كلنا نفسنا نحقق حاجات معينة فى حياتنا .. يا ترى الحلم بتاعك إيه؟ 
بعض الناس ممكن يكون أحلامها عايزين فلوس كتير.. ناس تانين نفسهم إنهم يلفوا العالم.. واحد نفسة في وظيفة كويسة و يكون بيحبها..واحدة تانيه حلمها إنها تكون مضيفة طيران جوية.. واحد حلمه إن يبقى عنده شركة خاصه بيه.. واحد تانى بيحلم إنه يبقى كاتب مشهور.. واحد تانى بيحلم إنه يبقى مدير مبيعات فى شركة كبيرة.. كل واحد عنده أحلام مختلفه .. 
لكن القليل منا اللى بياخد خطوات إيجابية فعلية لتحقيق أحلامهم.. الخطوات دى إسمها "أهدافك".
فعلى سبيل المثال لو إنت مثلاً حلمك إنك تبقى مدرب رياضى
 "Personal Trainer" 
 وإنك تشتغل لنفسك و تدرب الناس وتاخد فلوس, يبقى عندك البزنس الخاص بتاعك, تدريب رياضى ... هنقول هو ده الحلم 
أهدافك هى خطوات السلم اللى بتوصلك لحلمك .. ففى هذه الحاله أهدافك هتكون عبارة عن إنك تدرس التدريب الرياضى علشان تاخد شهادة تدريب رياضى, علشان تبقى مؤهل قانونياً إنك تدرب ناس... أحد الأهداف الثانيه هيكون إنك تمارس تدريب رياضى علشان لما يكون معاك زبون تعرف إزاى تدربه فى الجيم أو فى الصاله الرياضية أو فى بيته مثلاً... ولذلك فإنك اللى هتعمله إنك تاخد الخطوات إنك تدرس تدريب رياضى وتحصل على شهادة وكمان هتحصل التدريب العملى إنك فعلاً تدرب بعض الناس لغايه ما يبقى عندك خبرة كافيه إنك تبدأ تدرب الناس وتاخد فلوس. 
ده كان مثال لحلم والأهداف اللى ممكن تاخدها علشان تحققه.. إنما الفرق ما بين الحلم والرؤية .. هو إن الرؤية كبيرة اوى... الرؤية هى عبارة عن إنت عايز الناس تفتكرك بإيه.. أو إيه اللى إنت عايز تعمله فى حياتك خلال فترة وجودك على كوكب الأرض.. أو إيه السبب اللى إنت موجود علشانه خلال فترة حياتك... الرؤية بتاعتك لازم تكون أكبر من الحلم.. وبالتالى علشان أقربلك المثال .. فالشخص اللى بيقول إنه عايز يبقى مدرب رياضى هتكون خطواته مختلفة لو كانت رؤيته كالتالى ... أنا عايز أكون أشهر مدرب رياضى فى الشرق الأوسط  فى الحاله دى أهدافه (خطوات السلم اللى هتوصله للحلم بتاعه) هتكون مختلفة تماماً لأنه لن يكتفى فقط بإنه يحصل على شهادة تدريب رياضى و يقوم بتدريب بعض الناس لغايه ما يبقى عنده خبرة التدريب
Marketing الرياضى الشخصى فقط ... ولكنه سيمتد أيضاً لأنه يبدأ يدرس تسويق 
Social Media علشان يعرف يعمل لنفسه شهرة... هيبدأ يدرس احتراف وسائل التواصل الاجتماعي
 علشان يعمل عليها إعلانات... هيبدأ يدرس كمان فن المبيعات علشان لما يبقى قاعد مع زبون جديد يعرف يتكلم معاه... هيبدأ Business Plan يدرس إزاى يعمل لنفسه خطه عمل
 , وهيبدأ يعامل نفسه على إنه شركة منفصلة.. وبالتالى أهدافه (خطوات  السلم بتاعه) هتكون مختلفة عن واحد بيفكر إنه يبقى مدرب رياضى ناجح...ولذلك كل ما تكون الرؤية بتاعتك كبيرة ..كل ما هتلاقى نفسك بتاخد خطوات بشكل مختلف و بحجم أكبر علشان توصلك لرؤيتك 


مراراً وتكراراً لازم أفكرك وأقولك .. كل ما يكون حلمك صغير كل ما يكون تحقيقه أصعب .. لأن الحلم الكبير بيساعدك إنك تاخد خطوات أكبر وأسرع لدرجة إن لما بيحصل مشاكل معينه (بتلبس فى الحيطه) فإنك لازالت متحفز وبتكمل وبترجع تانى على الطريق السليم وبترجع تاخد خطواتك مهما كانت الظروف صعبة ... ولذلك الأهداف والأحلام الكبيرة والرؤية البعيدة هى أوقع وأدق وأحسن طريق تمشى فيه حياتك .


ناس كتير بتقول أنا حلمى مش كبير.. أنا حلمى يادوبك عايز حاجه صغيرة أو أنا مش طماع أو إن أحلامى ليست ضخمة .. أنا مجرد عايز أحقق حاجه صغيرة ... مره ثانية أحب أقولكم حلمك الصغير تحقيقه أصعب بكتير غير ما يكون حلمك كبير .. طول ما إنت بتفكر على نطاق صغير حياتك هتبقى أصعب .. كل ما تفكر على نطاق كبير حياتك هتبقى أسهل.

 

الحياة كلها عبارة عن زيادة .. لما بتزرع سنبله بيطلع منها مائه ..لما بتزرع بذرة شجرة تفاح بتطلعلك شجرة تفاح فيها مئات ومئات من التفاح, ولذلك سنة الحياة هى الزيادة ولكن ناس كتير فاهمه إن سنة الحياة إن الدنيا تمشى معاهم على قدهم وخلاص.. فاهمين إنهم لما يطلبوا أكتر ده يبقى طمع بالعكس!, العكس هو الصحيح

كون إنك تطلب أقل من الدنيا فهو أنانية شديدة.. لأن المفروض إنك تطلب أكتر والمفروض إنك تحسن حياتك بشكل كبير جداً علشان ده هينعكس على الناس اللى حواليك وهتفيد ناس أكتر وبالتالى هتساعد عدد كبير من الناس إن هما كمان حياتهم تبقى أحسن .. ولذلك الأنانية هى إنك تفكر على صغير , الأنانية هى إنك تعيش حياه صغيرة


دايماً كبر أحلامك ورؤيتك وأهدافك وإكتب رؤيتك .. إكتب رؤيتك على ورقه واحفرها فى ذهنك إنت عايز الناس تفتكرك إنك إنت مين... هل إنت أشهر وأكبر مدرب رياضى فى الشرق الأوسط ... هل إنت أشهر محامى فى بلدك ... هل إنت مدير مبيعات حقق أكبر نسبة مبيعات للشركة بتاعته فى المنطقة ... دايماً فكر على مستوي كبير وإذا كان حلمك صغير إضربه فى عشرة .. لا إضربه فى مائة .. وإبدأ فكرمن المنطلق ده .. 
وزى ما بقولكم دايماً هيحصل حاجه من حاجتين .. وهو سؤال واحد من شقين تسأله لنفسك كل ما تحب تاخد خطوة غريبه أو خطوة جديدة أو تاخد مخاطرة .. السؤال ده هو 
ما هو أسوأ شئ ممكن يحدث؟ 
إجابة السؤال ده هى السر , أو أحد أسرار النجاح .. إنك كل ما تاخد خطوات إنت مش عارفها أو تدخل فى  مغامرة أو تعمل حاجه إنت مش معتاد عليها لما بتسأل نفسك السؤال ده ... ما هو أسوأ شئ ممكن يحدث ... ساعتها عقلك بيطلع إجابات ... تعامل مع الإجابات دى أو السيناريوهات دى نفسياً لمده دقيقة .. اه لو حصل وفشلت هخسر فلوس أو هخسر وقت أو هخسر علاقات إو إن أنا هلبس فى الحيطه , فإنت بتقدر لنفسك خلال دقيقة أو ستين ثانيه إيه احتمالات المشاكل اللى ممكن تحصل .. وبعد كده غض نظرك تماماً عن الإجابة السلبية وإبدأ فكر في الجزء الشق التاني من السؤال: ما هو أحسن شئ ممكن يحصل .. وبالتالى هتبدأ تفكر , اه لو أنا أخدت الخطوة دى هيحصل و كذا وكذا وسوف أستفيد وكذا وكذا وهنجح وهحقق فلوس أو هساعد ناس أو هكبر أو إن أنا هدخل فى مجال جديد أو إن حياتى هتبقى أحسن .. وبالتالى ساعتها القرار هيبقى أسهل بكتير

و الان إسأل نفسك: هل إنت عايز الموضوع ده بما يكفى إنك تاخد المخاطرة دى ولا لأ؟.


أشهر الناس على كوكب الكره الأرضية وأنجحهم هما الناس اللى بياخدوا مخاطرات , هما الناس اللى دايماً بيفكروا إزاى يساعدوا غيرهم , هما الناس اللى بيفكروا على نطاق واسع جداً و عمر ما الفقر ولا قلة الفلوس ولا قلة التعليم وقفتهم ,, هما الناس اللى مبيطلعوش حجج عشان يقفوا محلك سر ,, هما الناس اللى مبيسمعوش الأشخاص السلبيين اللى حواليهم ,هما الناس اللى بيركزوا على إن حياتهم محدش هيقدر يغيرها غيرهم هما بنفسهم شخصيا, هما الناس اللى دايماً بيفكروا إن الدنيا عبارة عن زيادة, هما الناس اللى عايزين يكبروا لدرجة إنهم يقدرو يساعدوا الناس اللى حواليهم مش مجرد إنهم يعيشوا حياه عادية لأنهم عارفين إن الحياة العادية هي أنانية.

 

كبر حلمك و إرسم رؤية


أتمنى لكم النجاح الساحق .. هشام الشربينى 
تابعونى على وسائل الإتصال الإجتماعية 

Periscope تابعونى على برنامج بريسكوب
,  نزل برنامج بريسكوب على تليفونك أو التابلت بتاعك لأنى بعمل بث مباشر عن مهارات الحياه بشكل يومى , يمكنك متابعتى وسؤالى خلال البث         

 

 

 

 

 


 

Please reload

تابعني علي الوصلات التالية

  • Periscope-icon
  • Facebook Social Icon
  • YouTube Social  Icon
  • Instagram Social Icon
  • Twitter Social Icon
  • Pinterest Social Icon

إعمل شير علي فايسبوك

دروس جديدة

February 13, 2016

Please reload