© 2015 All Rights Reserved

  • w-facebook
  • YouTube Clean
  • LinkedIn Clean
  • Instagram Clean

المثابرة

February 13, 2016

 


المثابرة

من أهم الصفات المشتركه لأكبر الشخصيات الناجحه على مستوى العالم خلال ال ١٥٠  سنة الماضيه هى المثابرة ...

هل أنت مثابر؟   يعنى إيه مثابرة ؟

المثابرة إنك بتحاول توصل لهدف معين مرة وإثنين وثلاثة واربعة وخمسة ولا تيأس من الفشل ... بتكون عارف إن الفشل ممكن يحصل ولكنك مهما كان بتكمل وبتحاول تانى وتالت ورابع

هل فيك الصفات دى؟ هل فيك صفه المثابرة ... أهنئك!...أحب أعرفك إنك لو فيك الصفه دى فإنت فيك أحد الصفات لأهم الشخصيات الناجحة حوال  العالم .. بس المثابرة نوعين:  مثابرة عمياء  . مثابرة ذكية
.

كلا الصفتين مهمين ... المثابرة العمياء جيده جداً لأنك بتحاول مبتيأسش .. زى مثلا واحد بيحاول يقدم على وظيفه فبيحط السى فى بتاعته على مواقع الانترنت ,, فحاول على أكتر من موقع مرة واتنين وتلاتة واربعة وخمسة لغايه ما حطها مائة مره على مواقع الانترنت بتاعت التوظيف ... مع إن مش بيجيله منها انترفيوهات.

دى مثابرة عمياء لأنه بياخد نفس الخطوات أو بتغيرات بسيطه, ولذلك النتيجه المتوقعه هى تقريباً تفس النتيجه اللى بيحصل عليها دلوقتى.

أما المثابرة الذكية هى إنك تعمل تغيير جذرى فى الخطوات بتاعتك بحيث إن النتيجه إنت متأكد إنها هتطلع نتيجه مغايره أو مختلفة ..
 على نفس المثال السابق.. الشخص اللى بيحاول يقدم السى فيهات بتاعته وعايز يشتغل ممكن يسأل نفسه سؤال .. السؤال ده هو اللى بيخليك تبدأ تاخد خطوات المثابرة الذكية:

هو ليه النتيجه مبتطلعش؟ أو ليه النتيجه اللى بحصل عليها صغيره؟
السؤال ده قوى جداً لأن السؤال ده هيبدأ يخليك تتجه نحو المثابرة الذكية .. قد تكون أحد الإجابات يا ترى السى فى بتاعى مكتوب كويس؟ , هتلاقى نفسك بدأت تفكر بمنطلق تانى من زاوية أخري وعلى مستوى أعلى بكتير .. ساعتها ممكن تلاقى أحد اجاباتك ان السى فى بتاعتك مكتوبه بطريقة قديمة أو السى فى بتاعتك مبتبينش أهم الصفات أو المهارات المهمة فيك أو أهم إمكانياتك .

أحد الأسباب الأخرى لما تقعد تفكر وتسأل نفسك السؤال ده ياترى انا ليه مبحصلش على نتائج ؟ هل يا ترى يكون أحد الأسباب إن المواقع اللى بتقدم عليها تكون مواقع تعبانه أو ضعيفه؟ ساعتها هتلاقى نفسك بتحط إجابات تانيه ودى خطوات مختلفه فيها تغيير جذرى....

طيب بدل ما أنا بقدم على نفس مواقع التوظيف طب أقدم على مواقع تانيه زى LinkedIn (الموقع ده عامل زي فايسبوك بس خاص بالبزنس) ممكن اشوف الشركات اللى أنا عايز أشتغل فيها (شركه بيبسى كولا) مثلا ..و أروح اشوف مدير التوظيف فى الشركه هلاقيه موجود على LinkedIn وابعتله رسالة أقدم نفسي فيها علشان أتعرف علية... وبالتالى أفتح لنفسى طريق جديد لم يكن موجود لتقديم السى فى بتاعتى.

 

فالفكره المقصوده من المثابرة الذكيه إنك تغير خطواتك بشكل جذرى لأنك عارف وضامن إن النتائج هتطلع مختلفه، لأن محاولاتك بنفس الطريقه التقليدية ماجبتش نتائج كتير أو نتائج مرضيه وبالتالى مش هتخسر حاجة لو جربت طريقة جديده !

أتمنى ليك كل النجاح .. خليك إيجابى .. خليك مختلف وخلاق.

 

هشام الشربينى
 

 

 

 

 

 

 

 

 

٣ خطوات لكسر الخوف و تحقيق النجاح الساحق

Please reload

تابعني علي الوصلات التالية

  • Periscope-icon
  • Facebook Social Icon
  • YouTube Social  Icon
  • Instagram Social Icon
  • Twitter Social Icon
  • Pinterest Social Icon

إعمل شير علي فايسبوك

دروس جديدة

February 13, 2016

Please reload